നൂറു വർഷങ്ങൾക്ക് മുൻപ് ക്ഷേത്രത്തിന്റെ പ്രതിഷ്ഠ നടന്ന സമയത്ത് നടത്തിയ ഒരു വഴിപാടിൽ നിന്നാണ് ഉറി വഴിപാട് ഭഗവാന്റെ പ്രിയപ്പെട്ട വഴിപാടും... ക്ഷേത്രത്തിലെ പ്രധാനപെട്ട വഴിപാടും ആയത്. ഉളനാട്ടിലെ ഉണ്ണിക്കണ്ണന്റെ തിരുനടയിൽ എല്ലാ ദിവസവും രാവിലേ 6.15 മുതൽ 10.00 മണി വരെയും വൈകുന്നേരം 5.30 മുതൽ 6.15 വരെയും ഉദ്ധിഷ്ട കാര്യസിദ്ധിക്കും , സർവ്വദുഃഖനിവാരണത്തിനും ഭഗവാന്റെ ഇഷ്ട വഴിപാട് ആയ ഉറിവഴിപാട് നടത്തപ്പെടുന്നു .ഉറി വഴിപാടായി സമർപ്പിക്കുന്ന ലോകത്തിലെ ഏക ക്ഷേത്രമാണ് ഉളനാട് ശ്രീകൃഷ്ണസ്വാമി ക്ഷേത്രം. ഉദ്ദിഷ്ടകാര്യം സാധിക്കുന്നതിനും സാധിച്ചതിനു ശേഷവുമാണ് ഭക്തർ ഇവിടെ ഉറി വഴിപാട് ചെയ്യുന്നത്. വെണ്ണ, കദളിപഴം, ഉണ്ണിയപ്പം, ലഡ്ഡു അവൽ, പഞ്ചസാര, കൽക്കണ്ടം, ഉണ്ടശർക്കര, ഉണക്കമുന്തിരി ഇവയാണ് ഉറിയിൽ നിറച്ചു ഉണ്ണിക്കണ്ണന് സമർപ്പിക്കുന്നത്. ഉറിയും കലവും ക്ഷേത്രത്തിൽ നിന്ന് ലഭിക്കും. അതിൽ നിറക്കാനുള്ള വസ്തുക്കളായ അവൽ, പഞ്ചസാര, കൽക്കണ്ടം, ഉണ്ട ശർക്കര ഇവയും എപ്പോഴും ക്ഷേത്രത്തിൽ നിന്ന് ലഭിക്കുന്നതാണ്. വെണ്ണ, കദളിപഴം, ലഡ്ഡു, ഉണ്ണിയപ്പം ഉണക്കമുന്തിരി ഇവ മുൻകൂട്ടി പറയുന്നത് അനുസരിച്ചു ക്ഷേത്രത്തിൽ നിന്നും തയ്യാർ ചെയ്തു നൽകും. എല്ലാ വ്യാഴാഴ്ചയും, ഞായറാഴ്ചയും. എല്ലാ മാസവും രോഹിണി നാൾ വരുന്ന ദിവസവും ,ഭക്തർക്ക് ലഡ്ഡു ഉണ്ണിയപ്പം ഉറി വഴിപാട് ബുക്ക്‌ ചെയ്യാവുന്നതാണ്

ഉപദേവതകളായ രക്ഷസ്സിനു പാൽപ്പായസം പ്രധാന വഴിപാടും. ദുർഗയ്ക്ക് കുംഭത്തിലെ കാർത്തിക ഉത്സവവും പൊങ്കാല ,ഭാഗവതിസേവ , വിദ്യാരംഭവും. നാഗരാജാവ് , നാഗയക്ഷിക്ക് തുലാ മാസത്തിലെ ആയില്യത്തിന് നൂറും പാലും.ഗണപതി ഭഗവാനു ചിങ്ങത്തിലെ വിനായക ചതുർഥിക്ക് അപ്പം മൂടൽ
പ്രത്യേകിച്ചു വിശേഷാവസരങ്ങളിൽ മഴ പെയ്യാതിരിക്കാനായി തേങ്ങാ ഉടച്ചു പ്രാർത്ഥിച്ചാൽ ചടങ്ങുകൾ കഴിയുന്നതുവരെ മഴ മാറി നിൽക്കാറുണ്ടെന്ന് വിശ്വാസികൾ പറയുന്നു .

പ്രസിദ്ധമായ ഉളനാട്ടിലെ ഉണ്ണിക്കണ്ണന്റെ സന്നിധിയിലെ രോഹിണി ഊട്ട്. എല്ലാ രോഹിണി നാളിലും നടത്തുന്ന അന്നദാന വഴിപാട്.. നിരവധി ഭക്തരാണ് രോഹിണി ഊട്ടിൽ പങ്കെടുക്കാൻ എത്തുന്നത് ഉണ്ണിക്കണ്ണൻ ഭക്തരോടൊപ്പം സദ്യ ഉണ്ണാൻ എത്തുന്നു എന്നാണ് വിശ്വാസം. ഈ ഭക്തരോടൊപ്പം ഉണ്ണിക്കണ്ണൻ ഓടി കളിച്ചു നടക്കുന്നു. രോഹിണി ഊട്ട് വഴിപാട് നടത്തുന്ന ഭക്തർക്ക് പലപ്പോഴും ഉണ്ണിക്കണ്ണന്റെ സാന്നിധ്യം മനസ്സിലാവാറുണ്ട്. ഓരോ ഭക്തന്റെയും സമീപം പൊന്നുണ്ണി കണ്ണൻ എത്തുന്നു. 2023 വർഷത്തിലെ രോഹിണി ഊട്ട് വഴിപാട് ബുക്കിങ് പൂർത്തിയായ വിവരം എല്ലാ ഭക്തരെയും സന്തോഷപൂർവ്വം അറിയിക്കുന്നു. 2024 വർഷത്തെ രോഹിണിഊട്ട്...വഴിപാട് സമർപ്പിക്കാൻ ആഗ്രഹിക്കുന്ന ഭക്തർ ക്ഷേത്രം ഓഫീസിൽ ബന്ധപെടുക